البوست الاول في سلسلة بوستات الطوربيد ( متي اكتشفت انها سبوبة)
و اللي قررت اعملها سلسلة علشان ما حدش يزهق
و اللي قررت اعملها سلسلة علشان ما حدش يزهق
في البوست ده هجاوب علي المشككين في نيتي نظرا لوجود زملاء غايبة عنهم معلومات او بعض ذوي القلوب المريضة اللي بيقولوا ايهاب المنجي بيعمل بوستاته دي بدافع انتقامي لوجود مشكلة شخصية بينه و بين حد في ادارة برنامج الPharmD
اولا انا اكن كل التقدير و الاحترام لكافة اساتذة المنصورة و اللي كلهم علامات في تخصصاتهم، احسن دكاترة Pharmacology و Microbiology و Biochemistry
ممكن تقابلهم في مصر هم دكاترة المنصورة، و يا بخت طلبة صيدلة المنصورة بهم و حقيقي خريجي المنصورة اللي اتعلموا منهم مش اي خريجين
ممكن تقابلهم في مصر هم دكاترة المنصورة، و يا بخت طلبة صيدلة المنصورة بهم و حقيقي خريجي المنصورة اللي اتعلموا منهم مش اي خريجين
و ادارة برنامج الPharmD في المنصورة يديرها استاذ مساعد في الكيمياء العضوية قمة في الادب و الرقي و الاخلاص في العمل و هو عالم كيمياء عضوية نفتخر به جميعا
وكيلة الكلية للدراسات العليا اللي يتعامل معها هيقول دي بلسم و تفرح لما تشوفها و تتناقش معها في حاجة
و عميدة الكلية استاذة عظيمة و راقية جدا عملت طفرة في الكلية و انسانة قمة في التواضع و قريبة جدا من الطلبة
و لا اقبل تحت اي سبب ان حد يغلط في اشخاصهم و بعتبره غلط فيا انا و طوال السنتين ما حسيتش غير انهم اهل مش بس اساتذة
وكيلة الكلية للدراسات العليا اللي يتعامل معها هيقول دي بلسم و تفرح لما تشوفها و تتناقش معها في حاجة
و عميدة الكلية استاذة عظيمة و راقية جدا عملت طفرة في الكلية و انسانة قمة في التواضع و قريبة جدا من الطلبة
و لا اقبل تحت اي سبب ان حد يغلط في اشخاصهم و بعتبره غلط فيا انا و طوال السنتين ما حسيتش غير انهم اهل مش بس اساتذة
ثانيا ادارة البرنامج عمرها ما صدر منها شئ سئ ضدي و لا ضيعوا لي حق شخصي في اي حاجة بالعكس بدليل
◀️ مدير البرنامج من حبه و احترامه و تقديره البالغ لي عرض علي اكون محاضر ( بالتعاقد و ليس التعيين) في مادة الDrug Literature Evaluation and Biostatistics و انا اللي اعتذرت لبعد المنصورة عني و ما صدقت خلصت الPharmD و لاني لسه مش ممارس و انا شايف ان في زملاء ممارسين هيكونوا احسن مني فرشحتهم له مكاني◀️ ترتيبي يتيح لي اتقبل في ماجستير الصيدلة الاكلينيكية في الكلية اللي فتحته السنة دي اول مرة و انا اللي ما قدمتش علشان شايفه مش مفيد و لا مستقبله كويس في مصر ( ماحدش بيعرف يسجل دكتوراه في مصر لندرة استاذته و مش هيضيف لي حاجة مهنيا بعد الPharmD ، ده غير اني شايف ان الحاصل علي الPharmD من حقه قانونا يسجل PhD بس لوائح الجامعات هي المخالفة للقانون)◀️ ادارة البرنامج و مشرفتي المحترمة في مشروع التخرج ( اللي لحسن حظي انها كانت د معتزة سليمان و اللي عايز يعرفها و يعرف ابحاثها في الPharmacotherapy outcomes Research اللي عملتها في انجلترا يبحث عن اسمها في google scholar عن Moetaza M. Soliman و هي الوحيدة اللي معاها دكتوراه في الclinical pharmacy في الكلية و كنت طاير من الفرحة لما بعتت لي ايميل تبلغني فيه انا و شريكي في المشروع د محمود غانم انها اتبلغت من ادارة البرنامج انها اللي هتشرف علي مشروعنا ) هم اهتموا جدا بتشجيعي علي نشره بمساعدة الكلية و اللي كان عبارة عن Systematic Review و طول الوقت مدير البرنامج بيقول للدفعات اللي بعدي اللي عايز يعمل مشروع تخرجه Systematic Review يتفرج علي شغل ايهاب لانه المشروع الوحيد بالشكل ده
ثالثا في زملاء آخرين بيقولوا ان كل البوستات دي بسبب المسمي بتاع ماجستير مهني ،
احنا كنا عارفين من الاول انه هيتلطع في شهاداتنا من الاول و كملنا نظرا لحاجتنا للدرجة و لانه مش سهل ان حد يتقبل في برامجPharmD ، بس يمكن الحدة في التمسك باللائحة و عدم السعي لتغيرها و اعتبارها دكتوراه مهنية مثل مثيلاتها من برامج الworking pharmacists PharmD في امريكا ( مع اختلاف جودة التعليم هناك طبعا بس الطبيعي اني لما اقلد درجة في امريكا اخدها زي ما هي و ما احطش من قدرها )، و كمان السخرية من الدرجة اللي شوفناها في حفلة التخرج امام الاهالي و الحضور ( لو تشوفوا منظر احد الآباء و هو صعبان عليه بنته اللي تعبت و صرف عليها آلاف و هي محرجة امامه و هو بيسألني هي الدرجة دي ايه يا دكتور ايهاب و انا بحاول اخليه ما يزعلش و اقول له دي دكتوراه مهنية بس هم غلطانين و عايز افهمه ان بنته عملت حاجة عظيمة و بذلت جهد عظيم و لك ان تفخر بها، هتحسوا بكم الغضب اللي اصابنا ) و بالمناسبة اللي حصل اثار سخط رئيس الجامعة شخصيا و هو طبيب اسنان محترم و فاهم حاجتنا لتطوير التعليم الصيدلي لتخريج صيادلة مهيئين للتعامل مع المرضي ، فده خلانا نفكر نرفع قضية و بعدين لقينا ان المحاميين هيشتغلونا و يستنذفونا ماديا في قضية خسرانة ، و احنا اصلا كنا استنذفنا في سنتين الPharmD و قولنا اهم حاجة عندنا اننا نستفيد بالدرجة اللي حصلنا عليها و نعصر علي نفسنا لمون علشان المسمي و كلنا نركز في البحث عن عمل و نكبر دماغنا، و حتي ظهورنا علي الفيس كان يدوب انتقاد لكلمة ماجستير مهني
طب ايه بقي ايه اللي خلاك يا عم ايهاب تشن حرب شعواء علي برامج الPharmD اللي بره القاهرة كلها ( عمري ما خصيت برنامج المنصورة لوحده في انتقاداتي ) و ايه الTriggering events لبوستات السبوبة اللي بدأتها من شهر يوليو اللي فات ، ده اللي هنشوفه ان شاء الله مع البوست رقم ٢ في سلسلة الطوربيد
المصدر:
لينك البوست علي الفيسبوك
لينك البوست علي الفيسبوك