طوربيد 5: مدي تناسب السبوبات مع احتياج التأهيل للصيدلة الاكلينيكية في مصر

في البوست ده هحاول اوضح لحضراتكم تحديات تأهيل خريج صيدلة انه يبقي صيدلي اكلينيكي و هل تصميم برامج الفارم دي المختلفة مناسب لتجاوز التحديات دي و لا لا

نبدأ باستعراض التحديات:

١- في امريكا اللي بياخد درجة الPharmD ده مش صيدلي اكلينيكي، و لكنه مشروع صيدلي اكلينيكي و محتاج ياخد residency لمدة سنة علي الاقل PGY1 و هي سنة تدريب مقنن في احدي المستشفيات المعتمدة من الASHP علشان يلاقي فرصة توظيف في مستشفي كصيدلي اكلينيكي
دي حاجة معروفة انها اصبحت اساسية علشان تنقله من مشروع ممارس الي ممارس
اي transition from education into practice

٢- برامج الPharmD في امريكا ينفع ان التدريب العملي فيها في السنة العملي يكون مدته سنة اكاديمية ( ٩ شهور = ١٨٠ يوم تدريب تقريبا) علشان كده كده عندهم residencies هي اللي هتحوله الي ممارس

٣- مصر مافيهاش غير برنامجين للتدريب المقنن
◀️ الزمالة المصرية في الصيدلة الاكلينيكية اللي في وزارة الصحة ، و للاسف مافيش جهة مهتمة بدعمها ( بسبب تضارب المصالح ) و بعد ما كانت في اسكندرية و المنصورة و القاهرة ، بدل ما تنتشر في باقي المحافظات، اصبحت في القاهرة فقط و بتاخد ٣٠ واحد بس في السنة
◀️ برنامج 57357 اللي ماشيين في اجراءات اعتماده من الASHP كPGY1 و تكلفته ٤٨ الف جنيه

٤- اماكن التدريب علي الصيدلة الاكلينيكية ( خارج برنامج الزمالة و ٥٧٣٥٧) المتاحة للصيدلي الحر مش موجودة غير في القاهرة، و ممكن تكلفه من ١٠٠٠ الي ٢٠٠٠ جنيه في الشهر حسب المستشفي

نبجي بقي نستعرض برامج الPharmD اللي في مصر هنلاقي فيها حاجة من ٣

◀️ برامج فيها عدد ايام التدريب كبير ( ١٨٠ يوم في فارم دي القاهرة و عين شمس ) و في اماكن تدريب بها صيدلة اكلينيكية و مدربين صيادلة اكلينيكيين مخضرمين و لكن تكلفة تصل الي ٤٥-٥٠ الف جنيه ، لكنها تعوض غياب الresidency نسبيا

◀️برنامج زي اسكندرية هو الmost cost effective لانه ب٦٠٠٠ جنيه فقط و لكن عدد ايام التدريب ٧٢ يوم بس في المستشفي الجامعي الرئيسي في اسكندرية و ده كل اقسامه بتطبق صيدلة اكلينيكية و مدربين صيادلة اكلينيكيين مخضرمين
لكنه طبعا في ظل غياب برامج residency فهو مازال بعيد عن تأهيل صيدلي حر انه يبقي صيدلي اكلينيكي ممارس

◀️ برامج اللي بسميها سبوبة فارم دي : تدريب ٧٢ يوم ( يعني ما حصلتش حتي سنة اكاديمية اللي هي اساسا مش كفاية) في اماكن لا تطبق صيدلة اكلينيكية
و لما بيحبوا يريحوا الزبون يقولوا له ادفع زيادة و روح القاهرة، بس حتي لو راح القاهرة ٧٢ يوم فهو مازال بعيد جدا جدا عن تأهيله كصيدلي اكلينيكي ممارس

و بناء عليه انت كصيدلي حر لو عايز تتأهل انك تبقي ممارس لو مش هينفع تاخد زمالة او تدريب مقنن شوف كده:

◀️ يا تاخد دراسة نظري قوية زي منهج البورد و بعدين تتدرب في القاهرة علي حسابك ب١٠٠٠ الي ٢٠٠٠ جنيه في الشهر

◀️ يا اما تاخد برنامج من ابو ١٨٠ يوم تدريب في اماكن بتطبق صيدلة اكلينيكية

اما انك تاخد سبوبة و تقول هكمل بعدها تدريب ده معناه انك محتاج فوقيه 1.5 الي 2.75 times التدريب اللي اخدته في السبوبة ( فرضا كمان انك اختارت تخلي تدريبك كله في القاهرة بعيدا عن التدريب الهزلي الاصلي بتاع السبوبة ) علشان توصل لمستوي يخليك تتقبل في شغل كممارس في مصر

و في النهاية اعرف انك هتشتغل عمل خيري اسمه صيدلة اكلينيكية
لا في من وراه سفر و لا يخليك تفتح بيت و هيخرب بيت اهلك
فخليه للبنات احسن

المصدر:
لينك البوست علي الفيسبوك