مستقبل الصيدلة في السعودية و انتهاء العصر الذهبي للصيادلة المصريين في الخليج

لكل اب و ام و طالب متفوق داخل صيدلة

من اكثر النصائح التي حفرت في وجداني كانت نصيحة سمعتها مرارا و تكرارا من استاذي في الدعايا الدكتور نادر الشاطر Nader El Shater ( Pfizer Saudi Training director و Innovative pharma cluster lead سابقا)

و هي مقولة مأثورة عن Benjamin Franklin بتقول

If you fail to plan, you are planning to fail

لذلك يجب عليكم الانتباه قبل ايقاع ابنائكم في الفخ

طبعا حضراتكم ممكن تكونوا بتخططوا ان صيدلة دي هنشتغل بيها في السعودية زي ما كل قرايبكم الصيادلة سافروا و كونوا نفسهم

ليه البوست ده مركز فيه علي السعودية؟
١- السعودية تمثل ٦٠٪‏ من تعداد سكان الخليج
٢- السعودية اكثر دول الخليج ميلا لتوظيف المصريين عموما نظرا لعامل اللغة ( بعكس الامارات المنفتحة علي كل الجنسيات لانها عبارة عن مليون اماراتي معهم ٨ مليون اجنبي و هناك مساعي حكومية لايقاف تراجع استخدام اللغة العربية فيها )

اشكر الصديق الحبيب الزميل د اسلام شلال Islam Shallal و هو صيدلي اكلينيكي مخضرم بالسعودية لارساله لي ملف به اجندة مؤتمر تم تحت رعاية الهيئة السعودية للتخصصات الصحية حول مستقبل المهن الطبية خلال الخمس سنوات المقبلة في المملكة و منها الصيدلة

تم عرض احصائيات توضح ان عدد الصيادلة المرخصين في المملكة حاليا هو حوالي ٢٩ الف صيدلي
٨٢٧٣ سعودي
٢٠٨١٧ غير سعودي

◀️ عدد الطلبة السعوديين المقيدين بكليات الصيدلة داخل و خارج المملكة و المتوقع تخرجهم خلال خمس سنوات هو ١٢ الف تقريبا ( المدهش ان نصفهم ذكور تقريبا )

◀️ العدد ده هيوصلهم لنسبة ١ صيدلي لكل ١٨٥٠ نسمة او ٥٤ صيدلي لكل ١٠٠ الف نسمة بصيادلة سعوديين فقط و دي نسبة حلوة جدا قريبة من المعدلات الاوروبية

◀️ و لو استمروا بمعدلات التعليم دي متوقع يبقي عندهم ٢٦٦٩٧ صيدلي سعودي و يوصلوا لنسبة زي المانيا (٦٤ لكل ١٠٠ الف) بحلول ٢٠٢٧

◀️ و بناء عليه خرجت التوصية بتقليل الصيادلة الغير سعوديين بنسبة ٧.٦٪‏ كل سنة

فاللي فاكر انه خلال خمس سنين اللي جايين هيلاقي فرص شغل في صيدليات المجتمع حتي في السعودية بسهولة يبقي خاطئ
حاليا

◀️ مافيش فرص توظيف لصيادلة غير سعوديين في صيدلة المستشفيات و لا الدعايا
و اللي فاضل هو صيدليات المجتمع دي كمان هتتلاشي لغير السعوديين

العصر الذهبي للصيادلة المصريين في الخليج انتهي

ما تلقوش بابنائكم للتهلكة
كلمة جامدة ، و طبعا الارزاق بيد الله، لكن هعيد النصيحة If you fail to plan, you are planning to fail

المصدر:
لينك البوست علي الفيسبوك