هل الصيدلة الاكلينيكية مناسبة للرجال في مصر

البوست للرجال من طلبة و حديثي التخرج من صيدلة

ده علشان بيجيلي رسائل متكررة كثير قوي بيسألوا

١- جينيرال و لا كلينيكال
٢- انا بحب الكلينيكال و ده اللي عايز اشتغله و تنصحني ابدأ ازاي و منين

الكلام اللي هنا مش هيبسطكم فمن اولها يا اما ما تكملش البوست و تعمل scroll down و هتلاقي الف راعي لواحدة من السبوبات اللي هيشجعك علي الكلينيكال و يدفعك ليه

او تقراه و انت مش ملزم تصدقه و لا تاخد بيه بس تبقي وجهة نظر مختلفة تبقي علي دراية بها

" الكلينيكال للبنات "

ليه؟
١- علشان مافيش سفر دلوقتي في الخليج كصيدلي اكلينيكي
كان فيه و خلاص انتهي العصر ده
و الكلام ده ياما حذر منه الناس اللي شغالة في الخليج لانهم شايفين قدام عينيهم الوضع و التغيرات في الخليج بس بطلوا ينصحوا و يتكلموا بسبب ظهور موضة من شباب الصيادلة المتحمسين بزيادة اللي بدل ما يتعظوا بقوا يقولوا لهم انتم مش عايزيننا نبقي زيكم

٢- الصيدلة الاكلينيكية في مصر و الصيدلة عموما كمهنة اتضربت
و المرتبات في مصر كحيانة
٢٠٠٠ في الحكومة
٣٠٠٠ في البرايفت

كان في بوست معمول لي فيه تاج من اخي د عماد الخولي Emad El Kholy الصيدلي الاكلينيكي الكبير المحترم علي هرم Maslow اللي بيشرح احتياجات الانسان و انها بتبدأ من تحت الهرم و كل ما بتحقق احتياج من اللي تحت بتطلع علي اللي بعده لحد ما توصل لقمة الهرم

اللي عايز منكم يشتغل كلينيكال علشان يحقق ذاته اللي هي قمة الهرم ، لازم قبلها تكون اتأكدت انك حققت الاحتياجات اللي تحت الاول

كلامي زعلك كلامي احبطك ، ده مش هدفي و الله
بس ده ردي علي اصدقائي اللي بعتوا لي رسائل من هذا النوع

حد هيسألني ايه الحل بالرغم اني مش مطالب بكده لاني مش انا اللي صنعت الازمة

بالنسبة للرجالة مافيش قدامك غير سلسلة صيدليات في السعودية

او دعايا في باقي الخليج ( غير السعودية علشان سعودتها)

و لو عايز تشبع شغفك يبقي في الnext step لو هاجرت

المصدر:
لينك البوست علي الفيسبوك